തിരുവനന്തപുരം: മദ്യവും പണവും കൈക്കൂലി വാങ്ങിയ എക്സൈസ് ഇന്സ്പെക്ടര് വിജിലന്‍സിന്റെ പിടിയില്‍. കൈക്കൂലിയായി വാങ്ങിയ ഏഴു കുപ്പി മദ്യവും കണക്കില്‍പ്പെടാത്ത 50,640 രൂപയും ഇരിങ്ങാലക്കുട എക്സൈസ് സര്‍ക്കിള്‍ ഇന്സ്പെക്ടര് ശങ്കറിന്റെ കാറില്‍നിന്നാണ് വിജിലന്‍സ് പിടിച്ചെടുത്തത്. ബാറുടമകളില്‍നിന്നും കള്ളുഷാപ്പ് കരാറുകാരില്‍നിന്നുമാണ് ശങ്കര്‍ ഇതുവാങ്ങിയത്.
എക്സൈസ് സര്‍ക്കിള്‍ ഓഫീസുകള്‍ കേന്ദ്രീകരിച്ച് ‘ഓപ്പറേഷന്‍ സേഫ് സിപ്പ്’ എന്ന പേരില്‍ വിജിലന്‍സ് നടത്തിയ പരിശോധനയില്‍ വ്യാപക ക്രമക്കേടുകള്‍ കണ്ടെത്തിയിരുന്നു. ഇതിനുശേഷവും ഉദ്യോഗസ്ഥര്‍ കൈക്കൂലി വാങ്ങുന്നുണ്ടോയെന്ന് അന്വേക്ഷിക്കുന്നതിനിടയിലാണ് ശങ്കര്‍ പിടിയിലായതെന്ന് വിജിലന്‍സ് ഡയറക്ടര്‍ മനോജ് എബ്രഹാം അറിയിച്ചു
