മൂലങ്കാവ് ഗവൺമെൻ്റ് ഹയർ സെക്കൻ്ററി സ്കൂളിലെ നാഷണൽ സർവീസ് സ്കീം യൂണിറ്റിൻ്റെ നേതൃത്വത്തിൽ ‘സത്യമേവ ജയതേ’ സെമിനാർ നടത്തി. ‘സോഷ്യൽ മീഡിയയുടെ കാലത്ത് ഉത്തരവാദിത്വ പത്രപ്രവർത്തനം’ എന്ന വിഷയത്തിൽ സംഘടിപ്പിച്ച സെമിനാർ ജില്ലാ ഇൻഫർമേഷൻ ഓഫീസർ പി റഷീദ് ബാബു ഉദ്ഘാടനം ചെയ്തു. ഷിഫാ മറിയം സുരേഷ് (വളണ്ടിയർ) അധ്യക്ഷത വഹിച്ചു. പ്രിൻസിപ്പൽ പ്രഷിബ ടി കെ, എൻഎസ്എസ് പ്രോഗ്രാം ഓഫിസർ അബ്ദുൽ സലിം വി പി ശ്രീരേഖ ടീച്ചർ,എൻഎസ്എസ് വളണ്ടിയർമാരായ അംന സി എ, അഭിനവ് ബാലകൃഷ്ണൻ, കൃഷ്ണപ്രിയ എ എം, ജോയൽ ജോർജ്, റിഷികേശ് കെ ഷാജി, ഷഹ്‌മ റസ്‌ലി എന്നിവർ സംസാരിച്ചു.
