കോഴിക്കോട് : കോഴിക്കോട് കുറ്റിക്കാട്ടൂരിന് സമീപം ഉണ്ടായ വാഹനാപകടത്തിൽ പൊഴുതന സ്വദേശിയായ യുവാവ് മരിച്ചു. വൈത്തിരി പൊഴുതന ആറാംമൈൽ സ്വദേശി മുഹമ്മദ് ഫർഹാൻ (19) ആണ് മരിച്ചത്. ഇന്നലെ രാത്രി ഒമ്പതരയോടെയാണ് അപകടം ഉണ്ടായത്.നന്തി ദാറുസ്സലാം വിദ്യാർഥിയാണ് ഫർഹാൻ പെരുമണ്ണയിലേക്ക് പോവുകയായിരുന്ന സ്വകാര്യ ബസ് സ്‌കൂട്ടറിൽ ഇടിക്കുകയായിരുന്നു. ബസ് കാറിനെ വെട്ടിച്ച് കടക്കുന്നതിനിടയിൽ എതിർ ദിശയിൽ സഞ്ചരിച്ച സ്കൂട്ടറിന് ഇടിക്കുകയായിരുന്നു. ഗുരുതരമായി പരിക്കേറ്റ ഫർഹാനെ ഉടൻതന്നെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും മരണം സംഭവിച്ചു. ബൈക്ക് ഓടിച്ച കുറ്റിക്കടവ് സ്വദേശി സഫീർ അലിക്ക് പരിക്കേറ്റു.
