ബാവലിയിൽ കാട്ടാനയുടെ ആക്രമണത്തിൽ യുവാവിന് പരിക്കേറ്റു. ബാവലി ഷാണ മംഗലം ഉന്നതിയിലെ ദേവരാജനാണ് പരിക്ക് പറ്റിയത്. ഇന്ന് രാവിലെ ആറരയോടെ ബാവലിയിലെ പച്ചക്കറി വ്യാപാരിയായ നാസർ കട തുറക്കാ൯ പോകുന്നതിനിടയിൽ ഷാണമംഗലം റോഡിൽ വച്ച് കാട്ടാന ബൈക്കിന് നേരെ പാഞ്ഞടുത്തു. ഈ സമയം സ്കൂട്ടർ ഉപേക്ഷിച്ച് നാസർ ഓടി രക്ഷപ്പെട്ടു. സ്കൂട്ടർ കാട്ടാന തകർക്കുന്ന ശബ്ദം കേട്ട് ദേവരാജൻ റോഡിലേക്കെത്തിയപ്പോൾ ആനയുടെ മുമ്പിൽ പെടുകയായിരുന്നു. പരിക്കേറ്റ ദേവരാജനെ വയനാട് മെഡിക്കൽ കോളേജിൽ പ്രവേശിപ്പിച്ചു.
