ബിഹാറില്‍ സര്‍ക്കാര്‍ രൂപീകരണം സംബന്ധിച്ച ചര്‍ച്ചകള്‍ അന്തിമഘട്ടത്തില്‍. നിയമസഭാ കക്ഷി നേതാവിനെ തിരഞ്ഞെടുക്കുന്നതിനായി എന്‍.ഡി.എ എംഎല്‍എമാരുടെ യോഗം നാളെ ബിഹാറില്‍ ചേരും. മുഖ്യമന്ത്രി നിതീഷ് കുമാറിനെ തന്നെ വീണ്ടും നേതൃസ്ഥാനത്തേക്ക് പരിഗണിക്കുമെന്നാണ് സൂചനകള്‍. നിയമസഭാ കക്ഷി നേതാവിനെ തിരഞ്ഞെടുത്ത ശേഷം സര്‍ക്കാര്‍ രൂപീകരണത്തിന് അവകാശവാദമുന്നയിച്ച് എന്‍ഡിഎ നേതാക്കള്‍ ഗവര്‍ണറെ കാണും. ബി.ജെ.പി, ജെഡിയു നിയമസഭാ കക്ഷി യോഗങ്ങളും നാളെയാണ് നടക്കുക. പട്നയിലെ ഗാന്ധി മൈതാനില്‍ മറ്റന്നാളാണ് സത്യപ്രതിജ്ഞാ ചടങ്ങ്. പ്രധാനമന്ത്രി നരേന്ദ്രമോദി ഉള്‍പ്പെടെയുള്ള മുതിര്‍ന്ന നേതാക്കള്‍ ചടങ്ങില്‍ പങ്കെടുക്കും.
