തിരഞ്ഞെടുപ്പ് ജോലിയുള്ള ഉദ്യോഗസ്ഥർക്ക് തപാൽ ബാലറ്റ് വിതരണം 26-ന് തുടങ്ങും.പോളിങ് സ്റ്റേഷനിൽ ഡ്യൂട്ടിയുള്ളവർ, വോട്ടെടുപ്പ് ദിവസം തിരഞ്ഞെടുപ്പ് ജോലിയുള്ള തിരഞ്ഞെടുപ്പ് കമ്മിഷനിലെ മുഴുവൻ ജീവനക്കാർ, ജില്ലാ തിരഞ്ഞെടുപ്പ് ഓഫീസുകളിലെയും പഞ്ചായത്ത്, മുനിസിപ്പാലിറ്റി, കോർപ്പറേഷൻ എന്നിവിടങ്ങളിലെയും ഇലക്ഷൻ വിഭാഗം ജീവനക്കാർ, വരണാധികാരി, ഉപവരണാധികാരി എന്നിവരുടെ ഓഫീസുകളിലെ ഇലക്ഷൻ വിഭാഗം ജീവനക്കാർ, തിരഞ്ഞെടുപ്പ് ജോലിയുള്ള പോലീസ് ഉദ്യോഗസ്ഥർ തുടങ്ങിയവർക്കാണ് തപാൽവോട്ട്.അപേക്ഷ വരണാധികാരിയുടെ ഓഫീസിലും തിരഞ്ഞെടുപ്പ് കമ്മിഷൻ്റെ വെബ് സൈറ്റിലും ലഭിക്കും.
