സുൽത്താൻ ബത്തേരി : യുവാവിനെ കത്തികൊണ്ട് വട്ടിയും കമ്പിവടി കൊണ്ടടിച്ചും കൊലപ്പെടുത്താൻ ശ്രമിച്ച കൊടുംകുറ്റവാളി പിടിയിൽ. ബത്തേരി, പുത്തൻകുന്ന്, പാലപ്പട്ടി വീട്ടിൽ പി.എൻ. സംജാദ്(32)നെയാണ് ബത്തേരി പോലീസ് ചൊവ്വാഴ്‌ച അറസ്റ്റ് ചെയ്തത്. കാപ്പ കേസിലെ പ്രതിയായ ഇയാൾക്കെതിരെ കൊലപാതക ശ്രമം, അക്രമിച്ചു പരിക്കേൽപ്പിക്കൽ, ആംസ് ആക്ട് തുടങ്ങി ബത്തേരി, അമ്പലവയൽ പോലീസ് സ്റ്റേഷനുകളിലായി നിരവധി ക്രിമിനൽ കേസുകളുണ്ട്. കുറിച്യാട് ഫോറസ്റ്റ് സ്റ്റേഷനിലും കേസുണ്ട്.
ഇന്നലെ രാത്രിയാണ് ബീനാച്ചി സ്വദേശിയെ സംജാദും ക്രൂരമായി അതിക്രമിച്ച് മാരക പരിക്കേൽപ്പിച്ചത്. സംജാദും ബീനാച്ചി സ്വദേശിയുമുൾപ്പെട്ട റിസോർട്ടിൽ അതിക്രമിച്ചു കയറി മർദിച്ച കേസുമായി ബന്ധപ്പെട്ട തർക്കമാണ് മർദനത്തിന് കാരണം. കൈമുട്ടിനും, കണ്ണിനും, ഷോൾഡറിനും പരിക്കേറ്റ യുവാവ് അത്യസന്ന നിലയിൽ കോഴിക്കോട് മെഡിക്കൽ കോളജിൽ ചികിത്സയിലാണ്.ഇൻസ്പെക്ടർ എസ്.എച്ച്.ഒ ശ്രീകാന്ത് എസ്. നായർ, എസ്.ഐമാരായ ജെസ്വിൻ ജോയ്, എ.എസ്.ഐമാരായ ജയകുമാർ, ഷാജി ജോസഫ്, എസ്.സി.പി.ഒമാരായ സബിത്ത്, മുസ്‌തഫ, സി.പി.ഒമാരായ സിജോ, നിയാദ്, രാജീവ്, അനിൽ എന്നിവരാണ് പോലീസ് സംഘത്തിലുണ്ടായിരുന്നത്.
