കാക്കവയൽ: കാട്ടുപന്നി കുറുകെ ചാടിയതിനെ തുടർന്ന് ബൈക്ക് താഴ്ച്ചയിലേക്ക് മറിഞ്ഞ് ബൈക്ക് യാത്രികർക്ക് പരിക്ക്. എടയൂർ കുന്ന് വിദ്യാഗോപുരത്തിൽ ഗോപകുമാറിൻ്റെ മകൻ അക്ഷയ് ശാസ്‌ത (26), ബന്ധു ആനന്ദ് എന്നിവർ സഞ്ചരിച്ച ബൈക്കാണ് അപകടത്തിൽപ്പെട്ടത്. ചൊവ്വാഴ്‌ച രാത്രി തൃശ്ശിലേരി കാക്കവയൽ ഭാഗത്ത് വച്ച് കാട്ടുപന്നി കുറുകെ ചാടിയതിനെ തുടർന്ന് നിയന്ത്രണം വിട്ട ബൈക്ക് ഇരുപത് അടിയോളം താഴ്ചയിലേക്ക് മറിയുകയും പിന്നിലിരുന്ന് യാത്ര ചെയ്തിരുന്ന അക്ഷയിന് നട്ടെല്ലിന് ഗുരുതര പരിക്ക് ഏൽക്കുകയും ചെയ്യുകയായിരുന്നു. വയനാട് മെഡിക്കൽ കോളേജിൽ ചികിത്സ തേടിയ ശേഷം അക്ഷയിയെ വീട്ടിലേക്ക് മാറ്റി. ആനന്ദിന് കൈക്ക് നിസാര പരിക്കേറ്റിട്ടുണ്ട്. ഇരുവരും മാനന്തവാടിയിൽ വർക്ക് ഷോപ്പ് ജീവനക്കാരാണ്.
