തമിഴ്നാട്: ദിത്വാ ചുഴലിക്കാറ്റിനെ തുടർന്ന് ശക്തമായ കാറ്റിലും മഴയിലും വീട് തകർന്ന് യുവതി മരിച്ചു. തഞ്ചാവൂർ ആലമൻകുറിച്ചി സ്വദേശി രേണുക ആണ് മരിച്ചത്. ഇന്ന് പുലർച്ചെയാണ് അപകടമുണ്ടായത്. രേണുക, അച്ഛൻ, അമ്മ, സഹോദരി എന്നിവരാണ് അപകട സമയത്ത് വീട്ടില്‍ ഉണ്ടായിരുന്നത്..
തമിഴ്നാട്ടിൽ പലയിടത്തും അതി ശക്തമായ മഴയുണ്ട്. നാഗപട്ടണത്ത് 30 സെൻ്റിമീറ്റർ മഴ രേഖപ്പെടുത്തി. ഉച്ചവരെ മഴ തുടരുമെന്ന് കാലാവസ്ഥ കേന്ദ്രം അറിയിച്ചു. പുതുച്ചേരിയിലും കനത്ത മഴയുള്ളതായാണ് റിപ്പോർട്ട്. 10 NDRF യൂണിറ്റുകൾ കൂടി തമിഴ്നാട്ടിൽ വിന്യസിച്ചു.
