തിരുവനന്തപുരം: പ്രിൻ്റിങ് മെഷീനിൽ സാരി കുടുങ്ങി യുവതിക്ക് ദാരുണാന്ത്യം.വർക്കല ചെറുകുന്നം സ്വദേശി ബീന (51) ആണ് മരിച്ചത് . വർക്കലയിൽ പ്രവർത്തിക്കുന്ന പൂർണ പ്രിൻ്റിങ് പ്രസ്സിലാണ് അപകടം നടന്നത്.
ബീന 20 വർഷമായി പ്രസ്സിലെ ജീവനക്കാരിയാണ്. ഇന്ന് രാവിലെയോടെ ജോലിക്ക് എത്തിയ ബീന മെഷീന് അടുത്തുള്ള ഷെൽഫിൽ നിന്നും സാധനങ്ങൾ എടുക്കുന്നതിനിടെ ബീനയുടെ സാരിയുടെ തുമ്പ് മെഷീനിൽ കുരുങ്ങിയായിരുന്നു അപകടം. സഹപ്രവർത്തകർ ഉടൻ തന്നെ മെഷീനിൽ നിന്നും ബീനയെ പുറത്തെടുത്തെങ്കിലും ശരീരം ചതഞ്ഞ നിലയിൽ ആയിരുന്നു. ഉടൻ തന്നെ വർക്കലയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
