മേപ്പാടി :പുതുവത്സരത്തോടനുബന്ധിച്ച് ഡോ. മൂപ്പൻസ് മെഡിക്കൽ കോളേജ് ജനറൽ സർജറി വിഭാഗം നിർധനരും ഡോക്ടർ നിർദ്ദേശിച്ചിട്ടും സാമ്പത്തികമടക്കമുള്ള മറ്റു പല കാരണങ്ങൾ കൊണ്ട് ശസ്ത്രക്രിയകൾ നടക്കാതെ പോയ രോഗികൾക്കുമായി 2025 ഡിസംബർ 8 മുതൽ 2026 ജനുവരി 31 വരെ സൗജന്യ ശസ്ത്രക്രിയാ സേവനങ്ങൾ പ്രഖ്യാപിച്ചു.
അപ്പെൻഡിസെക്റ്റമി, ഹെർണിയ, തൈറോയ്ഡ് ശസ്ത്രക്രിയകൾ, ഡയബെറ്റിക് ഫൂട്ട്, ഫിസ്റ്റുല, പൈൽസ്, വെരിക്കോസ് വെയിൻ, അർശസ്, സ്തന ശസ്ത്രക്രിയകൾ, മുഴകൾ, എന്നിവയുൾപ്പെടെയുള്ള പ്രധാനപ്പെട്ട ജനറൽ ശസ്ത്രക്രിയകളാണ് ഈ കാലയളവിൽ തികച്ചും സൗജന്യമായി ചെയ്തുകൊടുക്കുന്നത്.
സാമ്പത്തികമായി പിന്നാക്കം നിൽക്കുന്ന രോഗികൾക്ക് ആശ്വാസമേകാൻ ലക്ഷ്യമിട്ടുള്ള ഈ ഉദ്യമം, ജനറൽ സർജറി രംഗത്ത് കൂടുതൽ മെച്ചപ്പെട്ട ചികിത്സാ സൗകര്യങ്ങൾ സാധാരണക്കാർക്ക് പ്രാപ്യമാക്കുക എന്ന ലക്ഷ്യത്തോടെയാണ് ഡോ. മൂപ്പൻസ് മെഡിക്കൽ കോളേജ് ഈ സേവനം ഒരുക്കിയിരിക്കുന്നത്.
കൂടുതൽ വിവരങ്ങൾക്ക് താഴെ കൊടുത്തിരിക്കുന്ന ഏതെങ്കിലും നമ്പറിൽ വിളിക്കുക. 8606 976 222, 8111 881 175, 8943 899 899.
