കോട്ടയം:ഓട്ടോയിൽ നിന്ന് പുക ഉയർന്നത് പരിശോധിക്കാൻ റോഡിലിറങ്ങിയ യുവാവ് മരിച്ചു. പാമ്പാടി വെളളൂർ പങ്ങട വടക്കേപ്പറമ്പിൽ ജോസിന്റെ മകൻ എമിൽ ജോസ് (20) ആണ് മരിച്ചത്. .തിരുവഞ്ചൂരിലെ പളളിയിൽ നിന്നും മുത്തുക്കുട എടുത്ത് തിരികെ വരികയായിരുന്നു എമിലും സുഹൃത്തുക്കളും. മണർകാട് നാലുമണിക്കാറ്റ് ഭാഗത്ത് എത്തിയപ്പോൾ ഓട്ടോയിൽ നിന്ന് പുക ഉയരുന്നത് ഇവരുടെ ശ്രദ്ധയിൽപ്പെട്ടു
ഓട്ടോ റോഡരികിൽ ഒതുക്കി. തുടർന്ന് എമിൽ റോഡിലിരുന്ന് ഓട്ടോയുടെ അടിഭാഗം പരിശോധിക്കുന്നതിനിടെ ഏറ്റുമാനൂർ ഭാഗത്തുനിന്ന് എത്തിയ കാർ ഇടിക്കുകയായിരുന്നു. ഉടൻ തന്നെ മണർകാട്ടെ സ്വകാര്യ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ഇടിച്ച കാറിൽ തന്നെയാണ് എമിലിനെ ആശുപത്രിയിലെത്തിച്ചത്. സംഭവത്തിൽ മണർകാട് പൊലീസ് കേസെടുത്തു.
