തിരുവനന്തപുരം:ഇന്ത്യ- ശ്രീലങ്ക വനിതാ ടി 20 പരമ്പരയിലെ മൂന്നാം മത്സരം ഇന്ന് കാര്യവട്ടം ഗ്രീൻഫീൽഡ് സ്റ്റേഡിയത്തിൽ. രാത്രി ഏഴിനാണ് പോരാട്ടം.ചരിത്രത്തിൽ ആദ്യമായാണ് രാജ്യാന്തര വനിതാ ക്രിക്കറ്റ് മത്സരത്തിന് തിരുവനന്തപുരം വേദിയാകുന്നത്. 5 മത്സരങ്ങളടങ്ങിയ ഇന്ത്യ -ശ്രീലങ്ക വനിതാ ടി- 20 പരമ്പരയിലെ അവസാന മൂന്ന് മത്സരങ്ങളാണ് കാര്യവട്ടം ഗ്രീൻഫീൽഡ് സ്റ്റേഡിയത്തിൽ നടക്കുന്നത്. നാലാം മത്സരം മറ്റന്നാളും അഞ്ചാം മത്സരം ഈ മാസം 30 നും നടക്കും. വിശാഖപട്ടണത്ത് നടന്ന ആദ്യ രണ്ട് മത്സരങ്ങളില് ഇന്ത്യ വിജയിച്ചിരുന്നു. ഹർമൻ പ്രീത് കൗർ നയിക്കുന്ന ഇന്ത്യൻ ടീമിന്റെ വൈസ് ക്യാപ്റ്റൻ സ്മൃതി മന്ദാനയാണ്. ജെമിമ റോഡ്രിഗസ്, ഷെഫാലി വർമ, റിച്ച ഘോഷ് എന്നിവരും ടീമിലുണ്ട്. ചമരി അട്ടപ്പട്ടുവാണ് ശ്രീലങ്കൻ ടീമിന്റെ ക്യാപ്റ്റൻ.
