തൃശ്ശൂർ: സംസ്ഥാന സിവില് സര്വീസ് ക്രിക്കറ്റ് ടൂര്ണമെന്റില് വയനാടിന് കന്നി കിരീടം സ്വന്തമാക്കി .ജനുവരി 5,6,7 തിയതികളില് തൃശ്ശൂരില് നടന്ന സംസ്ഥാന സിവില് സര്വീസ് ക്രിക്കറ്റ് ടൂര്ണമെന്റില് വയനാട് ജില്ല കന്നി കിരീടം ചൂടിയത്. തിരുവനന്തപുരം സെക്രട്ടേറിയേറ്റ് ടീമിനെ പരാജയപ്പെടുത്തിയത്. ആദ്യം ബാറ്റ് ചെയ്ത വയനാട് ജില്ലാ ടീം നിശ്ചിത 8 ഓവറില് അഞ്ച് വിക്കറ്റ് നഷ്ടത്തില് 56 റണ്സ് നേടി. മറുപടി ബാറ്റിങിന് ഇറങ്ങിയ സെക്രട്ടേറിയേറ്റിന് 38 റണ്സ് എടുക്കാനേ സാധിച്ചുള്ളൂ. കാസറഗോഡ്, കൊല്ലം, തൃശൂര് ടീമുകളെ പ്രാഥമിക റൗണ്ടില് തോല്പിച്ചാണ് ജില്ല ഫൈനലില് പ്രവേശിച്ചത്.
