അസം:കിഴക്കൻ അതിർത്തിയിൽ ശത്രുരാജ്യങ്ങളുടെ ഉറക്കം കെടുത്തുന്ന സൈനിക മുന്നേറ്റവുമായി ഭാരതം. വടക്കുകിഴക്കൻ ഇന്ത്യയിലെ ആദ്യത്തെ എമർജൻസി ലാൻഡിംഗ് ഫെസിലിറ്റി (ELF) അസമിലെ മോറാനിൽ പ്രധാനമന്ത്രി നരേന്ദ്ര മോദി ശനിയാഴ്ച ഉദ്ഘാടനം ചെയ്തു. കേവലം ഒരു ഉദ്ഘാടനത്തിനപ്പുറം, വ്യോമസേനയുടെ പടുകൂറ്റൻ സി-130ജെ (C-130J) വിമാനത്തിൽ ഈ ഹൈവേ റൺവേയിൽ നേരിട്ട് ഇറങ്ങിക്കൊണ്ട് ഭാരതത്തിന്റെ സൈനിക ശക്തിയും നിർമ്മാണ വൈദഗ്ധ്യവും ലോകത്തിന് മുന്നിൽ അദ്ദേഹം വിളിച്ചോതി.
ചൈനീസ് അതിർത്തിക്ക് തൊട്ടടുത്ത് യുദ്ധവിമാനങ്ങൾക്ക് അടിയന്തരമായി പറന്നിറങ്ങാൻ പാകത്തിൽ ദേശീയപാതയെ റൺവേയാക്കി മാറ്റിയ ഈ പദ്ധതി, മോദി സർക്കാരിന്റെ ‘അഭേദ്യമായ ഭാരതം’ എന്ന ലക്ഷ്യത്തിലേക്കുള്ള മറ്റൊരു വൻ വിജയമാണ്.
