ന്യൂഡൽഹി : ഇന്ത്യ എഐ ഇംപാക്ട് ഉച്ചകോടി 2026ൽ പങ്കെടുക്കുന്നതിനായി ഗൂഗിൾ സിഇഒ സുന്ദർ പിച്ചൈ ബുധനാഴ്ച ഡൽഹിയിലെത്തി. പ്രധാനമന്ത്രി നരേന്ദ്ര മോദിയുമായി അദ്ദേഹം കൂടിക്കാഴ്ച നടത്തി. എഐ ഉച്ചകോടിയിൽ ഫെബ്രുവരി 20 ന് അദ്ദേഹം മുഖ്യപ്രഭാഷണം നടത്തും. രാജ്യത്ത് തിരിച്ചുവന്നതിൽ സന്തോഷമുണ്ടെന്നും ഊഷ്മളമായി സ്വീകരിച്ചതിന് നന്ദി പറയുന്നതായും പിച്ചൈ എക്സിൽ പോസ്റ്റ് ചെയ്തു.
ഇന്ത്യ എഐ ഇംപാക്ട് ഉച്ചകോടി 2026 ഫെബ്രുവരി 16 മുതൽ 20 വരെ ന്യൂഡൽഹിയിലെ ഭാരത് മണ്ഡപത്തിൽ വച്ച് നടക്കുന്നതാണ്. ഗ്ലോബൽ സൗത്തിൽ നടക്കുന്ന ആദ്യത്തെ ആഗോള എഐ ഉച്ചകോടിയാണിത്. ആഗോളതലത്തിൽ ഭരണം, സുരക്ഷ, വിശാലമായ സാമൂഹിക ആഘാതം എന്നിവയിൽ ശ്രദ്ധ കേന്ദ്രീകരിച്ച് കൃത്രിമബുദ്ധിയിൽ ആഗോള സഹകരണം ശക്തിപ്പെടുത്തുക എന്നതാണ് AI ഉച്ചകോടി ലക്ഷ്യമിടുന്നത്. നിരവധി രാഷ്ട്രത്തലവന്മാരും മന്ത്രിമാരും ഉൾപ്പെടെ 110-ലധികം രാജ്യങ്ങളും ഏകദേശം 30 അന്താരാഷ്ട്ര സംഘടനകളും ഉച്ചകോടിയിൽ പങ്കെടുക്കുന്നുണ്ട്.
