തിരുവനന്തപുരം: മലയാളി യുവാവ് ഇസ്രായേലില് മരിച്ചു.കല്ലമ്പലം ചെമ്മരുതി ഗുരുമുക്കില് എസ്. എസ്. ഭവനില് സുരേഷ് (42) ആണ് മരിച്ചത്. ഇസ്രയേലിലെ ടെല് അവീവില് നിർമ്മാണ തൊഴിലാളിയായിരുന്നു. സുരേഷ് മരണപ്പെട്ടതായി ഇസ്രയേലിലുള്ള സുഹൃത്തുക്കളാണ് നാട്ടിലെ ബന്ധുക്കളെ വിവരം അറിയിച്ചത്. മരണപ്പെട്ടത് എങ്ങനെയെന്നതില് കൃത്യമായ വിവരം ബന്ധുക്കള്ക്ക് ഇല്ല. താമസ സ്ഥലത്തിന് പുറത്ത് ബോംബിംഗ് നടക്കുന്നുണ്ടെന്നും പച്ചക്കറി സാധനങ്ങള് വാങ്ങാൻ വീടിന് പുറത്തേക്ക് പോവുകയാണെന്നുമാണ് ബന്ധുക്കള്ക്ക് അവസാനം ലഭിച്ച ശബ്ദസന്ദേശത്തില് പറയുന്നത്. കൂടുതല് വിവരങ്ങള്ക്കായി എംബസി വഴി അന്വേഷണം തുടരുകയാണെന്ന് ബന്ധുക്കള് പറയുന്നു. രണ്ടു വർഷമായി സുരേഷ് ഇസ്രയേലിലാണ്. ഭാര്യ ചിത്ര കുവൈത്തിലാണ്. രണ്ടു മക്കളുണ്ട്.
