അമേരിക്ക കഴിഞ്ഞ 24 മണിക്കൂറിനുള്ളിൽ രണ്ട് അത്യാധുനിക EA-37B ഇലക്ട്രോണിക് യുദ്ധവിമാനങ്ങൾ വിന്യസിച്ചു. 2024-ൽ പ്രവർത്തനക്ഷമമായ ഈ വിമാനങ്ങൾ ആദ്യമായാണ് ഒരു സൈനിക നീക്കത്തിനായി ഉപയോഗിക്കുന്നത്.
ശത്രുക്കളുടെ ആശയവിനിമയ സംവിധാനങ്ങൾ, റഡാർ, നാവിഗേഷൻ സംവിധാനങ്ങൾ, വിവരശേഖരണ ശൃംഖലകൾ എന്നിവ തടസ്സപ്പെടുത്താനും പ്രവർത്തന രഹിതമാക്കാനുമാണ് ഈ വിമാനങ്ങൾ രൂപകൽപ്പന ചെയ്തിരിക്കുന്നത്. റേഡിയോ തരംഗങ്ങൾ (radio frequencies) ഉപയോഗിച്ച് പ്രവർത്തിക്കുന്ന എല്ലാ സംവിധാനങ്ങളെയും തകർക്കാൻ ഇതിന് സാധിക്കും. ഒരു കരയുദ്ധം ഉണ്ടാകുകയാണെങ്കിൽ അതിന് പിന്തുണ നൽകാനാണ് ഈ വിമാനങ്ങളെ ഇപ്പോൾ വിന്യസിച്ചിരിക്കുന്നത് എന്നാണ് നിലവിലെ വിലയിരുത്തൽ.
