മാനന്തവാടി : കുഴിനിലതിനടുത്ത് വെച്ച് ട്രാവലറും ഗുഡ്സ് ഓട്ടോയും കൂട്ടിയിടിച്ചുണ്ടായ അപകടത്തിൽ ഗുഡ്സ് ഓട്ടോ ഡ്രൈവർ മരിച്ചു. തലപ്പുഴ 8 -ാം നമ്പർ സ്വദേശിയായ കുന്നത്തൊടിയിൽ കെ അൻവർ (35) ആണ് മരിച്ചത്. ഗുരുതര പരിക്കോടെ ഇദ്ധേഹത്തെ വയനാട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചുവെങ്കിലും മരിക്കുകയായിരുന്നു. മാനന്തവാടി മാർക്കറ്റിൽ നിന്നും മീനുമായി തലപ്പുഴ ഭാഗത്തേക്ക് പോകുകയായിരുന്ന ഗുഡ്‌സും കാസർകോഡ് നീലേശ്വരത്ത് നിന്നും മാനന്തവാടി ഭാഗത്തേക്ക് വന്ന ബിവറേജ് ജീവനക്കാർ സഞ്ചരിച്ച ട്രാവലറുമാണ് അപകടത്തിൽപ്പെട്ടത്. ട്രാവലറിലെ യാത്രക്കാരിൽ ചിലർക്ക് നിസാര പരിക്കേറ്റിട്ടുണ്ട്. ഇന്ന് പുലർച്ചെയാണ് സംഭവം. അപകടത്തിൽ ഗുഡ്സ് ഓട്ടോയുടെ മുൻഭാഗം പൂർണമായും തകർന്നു അകത്ത് കുടുങ്ങിയ അൻവറിനെ ഏറെ ബുദ്ധിമുട്ടിയാണ് പുറത്തെടുത്തത്.
