ന്യൂഡൽഹി :കനത്ത മഴയെത്തുടർന്നുണ്ടായ കാറ്റിൽ ഡൽഹി അന്താരാഷ്ട്ര വിമാനത്താവളത്തിൻ്റെ മേല്‍ക്കൂര തകർന്നു നാല് പേർ മരിച്ചു. ടെര്‍മിനല്‍ ഒന്നിലെ മേല്‍ക്കൂരയുടെ ഒരു ഭാഗമാണ് തകര്‍ന്ന് വീണത്. നിരവധി പേർക്ക് പരിക്കേറ്റു.
പുലർച്ചെ അ‍‍ഞ്ചരയോടെയായിരുന്നു സംഭവം. കാറുകൾ ഉൾപ്പെടെ നിരവധി വാഹനങ്ങള്‍ക്കും കേടുപാടുകൾ സംഭവിച്ചിട്ടുണ്ട്. മൂന്ന് ഫയര്‍ ഫോഴ്സ് യൂണിറ്റുകള്‍ സ്ഥലത്തെത്തി രക്ഷാപ്രവര്‍ത്തനം നടത്തിയിരുന്നു. ഡൽഹി വിമാനത്താവളത്തിൽ നിയന്ത്രണം ഏർപ്പെടുത്തി. ടെർമിനൽ ഒന്നിൽ നിന്നുള്ള വിമാന സർവീസുകൾ റദ്ദാക്കി.ഇന്നലെ പെയ്ത മഴയിൽ ഡൽഹിയിൽ വെള്ളക്കെട്ട് രൂപപ്പെട്ടു. ഗതാഗതക്കുരുക്കും രൂക്ഷമാണ്.
