സുൽത്താൻ ബത്തേരി: വയനാട് ജില്ലയിലെ ഒരു പോലീസ് സ്‌റ്റേഷനിലെ വനിതാ സിവിൽ പോലീസ് ഓഫീസർക്കെതിരെ വാട്സാപ്പ് ഗ്രൂപ്പിൽ ലൈംഗിക അധിക്ഷേപം നടത്തിയ വ്യക്തിയെ സുൽത്താൻ ബത്തേരി പോലീസ് അറസ്റ്റു ചെയ്‌തു. മൂലങ്കാവ് കൊരുംബത്ത് അഹമ്മദ് (മാനു 61) നെയാണ് പോലീസ് മൈസൂരിൽ നിന്നും അറസ്റ്റ് ചെയ്തത്. വനിതാപോലീസിൻ്റെ പരാതിയിൽ ജൂലൈ ഒന്നിനാണ് പോലീസ് ഇയ്യാൾക്കെതിരെ കേസെടുത്തത്. ലൈംഗീകാധിക്ഷേപ പരാമർശം നടത്തിയതിന് ഭാരതീയ ന്യായ സംഹിതയിലേയും, കേരള പോലീസ് ആക്ടിലേയും വിവിധ വകുപ്പുകൾ പ്രകാരമാണ് കേസെടുത്തത്. ഇതിനെ തുടർന്ന് ഒളിവിൽ പോയ പ്രതിയെ മൈസൂരിൽ വെച്ച് പിടികൂടുകയായിരുന്നുവെന്ന് പോലീസ് വ്യക്തമാക്കി. ബത്തേരി പോലീസ് ഇൻസ്പെക്‌ടർ എൻ.പി രാഘവൻ, എസ്ഐ സോബിൻ, എഎസ്ഐ സലീം, എസ്‌സിപിഒ ലബ്നാസ്, സിപിഒ മാരായ അനിൽ, അനിത് തുടങ്ങിയവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
