പനമരം: ചൂടുവെള്ളം നിറച്ച ബക്കറ്റില്‍ വീണു പൊള്ളലേറ്റ മൂന്നു വയസുകാരന്‍ മുഹമ്മദ് അസാന്‍ മതിയായ ചികിത്സ ലഭിക്കാതെ മരിച്ച സംഭവത്തില്‍ പിതാവും വൈദ്യനും റിമാന്‍ഡില്‍. പിതാവ് അഞ്ചുകുന്ന് വെശ്യമ്പത്ത് അല്‍ത്താഫ്(45), ചികിത്സിച്ച നാട്ടുവൈദ്യന്‍ കമ്മന ഐക്കരക്കുടി ജോര്‍ജ്(68)എന്നിവരെയാണ് കോടതി റിമാന്‍ഡ് ചെയ്തത്. മനഃപൂര്‍വമല്ലാത്ത നരഹത്യക്കും ബാലനീതി നിയമത്തിലെ വിവിധ വകുപ്പുകള്‍ പ്രകാരവുമാണ് പ്രതികള്‍ക്കെതിരേ കേസ്. പോലീസ് ഇന്‍സ്‌പെക്ടര്‍ വി. സിജിത്തിന്റെ നേതൃത്വത്തിലാണ് പ്രതികളെ അറസ്റ്റുചെയ്ത് കോടതിയില്‍ ഹാജരാക്കിയത്.
