ബത്തേരി : കാട്ടാനയുടെ ആക്രമണത്തിൽ യുവാവിന് പരിക്കേറ്റു.ചെതലയം മാളപ്പാടി കാട്ടുനായ്ക്ക കോളനിയിലെ രമേശ് (31) നാണ് പരുക്കേറ്റത്. ഇന്നലെ രാത്രി 8.30 യോടെയാണ് സംഭവമുണ്ടായത്. വീട്ട് മുറ്റത്ത് നിൽക്കുകയായിരുന്ന രമേശിനെ പാഞ്ഞടുത്ത കാട്ടാന ആക്രമിക്കുകയായിരുന്നു . ഈസമയം സ്ഥലത്തെത്തിയ രമേശിൻ്റെ സഹോദരൻ ബഹളം വെച്ചതോടെയാണ് കാട്ടാന പിൻതിരിഞ്ഞത്. പരുക്കേറ്റ രമേശിനെ സുൽത്താൻ ബത്തേരി താലൂക്ക് ആശുപത്രിയിൽ പ്രവേശിപ്പിച്ചു.
