ഗാബയിൽ നടന്ന അവസാനമത്സരവും മഴ മുടക്കിയതോടെയാണ് ഇന്ത്യക്ക് പരമ്പരനേട്ടം. മത്സരത്തിൽ ഇന്ത്യയുടെ ബാറ്റിങ്ങിനിടെയാണ് മഴയെത്തിയത്. ആദ്യം ബാറ്റിങ്ങിനിറങ്ങിയ ഇന്ത്യ 4.5 ഓവറിൽ 52 റൺസെടുത്തുനിൽക്കുമ്പോഴാണ് മഴ കളി മുടക്കിയത്. പിന്നീട് മത്സരം തുടരാനാവാതെ വന്നതോടെ കളി ഉപേക്ഷിച്ചതായി അമ്പയർമാർ അറിയിച്ചു. അതോടെ ഇന്ത്യ പരമ്പരയും സ്വന്തമാക്കി.
പരമ്പരയിലെ ആദ്യ മത്സരവും മഴ മൂലം ഉപേക്ഷിച്ചിരുന്നു. എന്നാൽ രണ്ടാം മത്സരം ഓസ്ട്രേലിയ സ്വന്തമാക്കി. നാലുവിക്കറ്റിന് ഓസീസ് ഇന്ത്യയെ പരാജയപ്പെടുത്തി. മൂന്നാം മത്സരത്തിൽ വിജയിച്ച് ഇന്ത്യ പരമ്പരയിൽ ഒപ്പമെത്തി. ഹൊബാർട്ടിൽ നടന്ന മത്സരത്തിൽ അഞ്ചുവിക്കറ്റിനാണ് ഇന്ത്യയുടെ ജയം. നാലാം മത്സരത്തിലും ജയം ആവർത്തിച്ച് ഇന്ത്യ പരമ്പരയിൽ മുന്നിലെത്തിയിരുന്നു. 48 റൺസിനാണ് സൂര്യകുമാറും സംഘവും വിജയിച്ചുകയറിയത്.
