കൽപ്പറ്റ:ഏകാരോഗ്യ പക്ഷാചരണം 2025 ആന്റി മൈക്രോബിയൽ റസിസ്റ്റൻസ് ബോധവത്കരണം ശക്തമാക്കുന്നതിനായി ജില്ലാതല ഏകാരോഗ്യ കമ്മിറ്റി യോഗം ചേർന്നു.നവംബർ 18 മുതൽ 24 വരെ ജില്ലയിലെ വിവിധ ഭാഗങ്ങളിൽ ബോധവത്കരണ വാരാചരണ പ്രവർത്തനങ്ങൾ സംഘടിപ്പിക്കാൻ തീരുമാനമായി. മനുഷ്യരിലും മൃഗങ്ങളിലും കാർഷിക മേഖലയിലും മരുന്നുകളുടെ ഉത്തരവാദിത്വപരമായ ഉപയോഗം ഉറപ്പാക്കുക എന്നതാണ് ഈ വാരാചരണത്തിന്റെ പ്രധാന ലക്ഷ്യം.വാരാചരണത്തിന്റെ ജില്ലാതല ഉദ്ഘാടനം നവംബർ 18-ന് കൽപ്പറ്റ സിവിൽ സ്റ്റേഷനിൽ നിർവഹിക്കും.ബോധവത്കരണ ക്ലാസുകൾ, വിദ്യാർത്ഥി മത്സരങ്ങൾ, ശിൽപ്പശാലകൾ തുടങ്ങി നിരവധി പരിപാടികളിലൂടെ ജനങ്ങളിലെ ആരോഗ്യബോധം കൂടുതൽ ശക്തമാക്കാനാണ് ലക്ഷ്യം.
