സംസ്ഥാനത്ത് തദ്ദേശ തിരഞ്ഞെടുപ്പിനുള്ള പ്രചാരണ കണ്‍വെന്‍ഷനുകളില്‍ സജീവമാകാന്‍ വിവിധ മുന്നണികള്‍. പത്രികാ സമർപ്പണം വെള്ളിയാഴ്ച അവസാനിക്കും. സ്ഥാനാര്‍ത്ഥികള്‍ക്കൊപ്പം വോട്ട് അഭ്യര്‍ത്ഥിക്കാന്‍ വിവിധ പാര്‍ട്ടികളുടെ മുതിര്‍ന്ന നേതാക്കളും സജീവമാണ്. എൽ ഡി എഫിന്‍റെ തിരുവനന്തപുരം കോര്‍പ്പറേഷനിലെ കണ്‍വന്‍ഷന്‍ വൈകിട്ട് പുത്തരിക്കണ്ടം മൈതാനിയിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. പാലക്കാട് നഗരസഭയിൽ നടന്ന NDA കൺവെൻഷൻ ബിജെപി സംസ്ഥാന വൈസ് പ്രസിഡന്‍റ് വി.ഉണ്ണികൃഷ്ണൻ ഉദ്ഘാടനം ചെയ്തു. അതെസമയം, കണ്ണൂര്‍ കോര്‍പ്പറേഷനില്‍ മത്സരിക്കുന്ന യു.ഡി.എഫ് സ്ഥാനാര്‍ഥികളെ പ്രഖ്യാപിച്ചു. 56 ഡിവിഷനുകളില്‍ കോണ്‍ഗ്രസ് 38 സീറ്റിലും മുസ്ലിംലീഗ് 18 സീറ്റിലും മത്സരിക്കും.
