കോഴിക്കോട് :പ്രവാസികൾക്ക് ആശ്വാസം കുവൈത്തിൽനിന്ന് കോഴിക്കോട്, കണ്ണൂർ സെക്ടറുകളിലേക്കുള്ള എയർ ഇന്ത്യ എക്സ്പ്രസ് സർവീസുകൾ പുനരാരംഭിക്കുന്നു. മാർച്ച് 28 മുതൽ കോഴിക്കോട്ടേക്ക് ആഴ്ചയിൽ 5 ദിവസവും ഏപ്രിൽ ഒന്നു മുതൽ കണ്ണൂരിലേക്ക് ആഴ്ചയിൽ 2 ദിവസവുമാണ് സർവീസ്.
ടിക്കറ്റ് ബുക്കിങ്ങും ആരംഭിച്ചു ഈ സെക്ടറുകളിലേക്കുള്ള സർവീസുകൾ നിർത്തിവച്ചതോടെ നാട്ടിലെത്താൻ കണക്ഷൻ വിമാനങ്ങളിൽ 16 മണിക്കൂറിലേറെ നീണ്ട യാത്ര ചെയ്യേണ്ടിവരുന്നത് പ്രവാസികളെ ബുദ്ധിമുട്ടിച്ചിരുന്നു. പ്രവാസി സംഘടനകളുടെ നേതൃത്വത്തിൽ പ്രശ്ന‌ം അധികൃതരെ ബോധ്യപ്പെടുത്തിയിരുന്നു. ഇതാണ് ഫലം കണ്ടത്. സേവനം പുനരാരംഭിക്കുന്നതോടെ മധ്യവേനൽ അവധിക്കു നാട്ടിലേക്കു പോകുന്നവർക്കും ആശ്വാസമാകും .
