വ്യാജ ഓൺലൈൻ ട്രേഡിംഗ് വഴി 77 ലക്ഷം തട്ടിയ കേസിൽ യു.പി സ്വദേശിയായ യുവാവ് വയനാട് സൈബർ പോലീസിൻ്റെ പിടിയിലായി

കൽപ്പറ്റ:വ്യാജ ഓൺലൈൻ ട്രേഡിംഗ് വഴി 77 ലക്ഷം തട്ടിയ കേസിൽ യു.പി സ്വദേശിയായ യുവാവ് വയനാട് സൈബർ പോലീസിൻ്റെ പിടിയിലായി. ചുണ്ടേൽ സ്വദേശിയിൽ നിന്നും ഓൺലൈൻ ഷെയർ ട്രേഡിംഗ് നടത്തി പണം നൽകാമെന്ന് വാഗ്ദാനം ചെയ്ത് 77 ലക്ഷം രൂപ തട്ടിയെടുത്ത കേസിലാണ് യു പി സ്വദേശി വയനാട് സൈബർ പോലീസിൻ്റെ പിടിയിലായത് . ഉത്തര പ്രദേശ് ബാറേലി സ്വദേശിയായ ആകാശ് യാദവ്(25) നെയാണ് സൈബർ പൊലീസ് സ്റ്റേഷൻ ഇൻസ് പെക്ടർ ഷാജു ജോസഫും സംഘവും വിശാഖപട്ടണത്തുനിന്നും കസ്റ്റഡിയിൽ എടുത്തത്.

 

കഴിഞ്ഞ മാസങ്ങളിൽ സോഷ്യൽ മീഡിയ വഴി പരിചയപ്പെട്ട യുവതിയാണ് പരാതിക്കാരനെ ഓൺലൈൻ ട്രേഡിങ്ങിൽ നിക്ഷേപിക്കാൻ പ്രേരിപ്പിച്ചത്. ഇതനുസരിച്ചു യുവതി അയച്ച വ്യാജ ആപ്പ് ഇൻസ്റ്റാൾ ചെയ്യുകയും ട്രേഡിംഗ് നടത്തുകയും ഇവർ നിർദ്ദേശിച്ച അക്കൗണ്ടുകളിലേക്ക് പണം നിക്ഷേപിക്കുകയുമാണ്. പിന്നീട് ലാഭം അടങ്ങിയ പണം തെളിയിക്കാൻ ശ്രമിച്ചപ്പോൾ വീണ്ടും പണം അടക്കാൻ ആവശ്യപ്പെട്ടു. അപ്പോഴാണ് ഇത് തട്ടിപ്പാണ് എന്ന് മനസിലാക്കി ചുണ്ടേൽ സ്വദേശി സൈബർ ക്രൈം പോർട്ടലിൽ പരാതി രജിസ്റ്റർ ചെയ്തത്.. പിന്നീട് കേസ് അന്വേഷിച്ച സൈബർ പോലീസിന് പരാതിക്കാരനുമായി ബന്ധപ്പെട്ട സോഷ്യൽ മീഡിയ ഇടപാടുകൾ കമ്പോഡിയ കേന്ദ്രീകരിച്ചാണ് പ്രവർത്തിക്കുന്നതെന്ന് പോലീസ് കണ്ടെത്തി.

 

കഴിഞ്ഞ മാസം അന്വേഷണ സംഘത്തിലെ ഒരു പ്രതിയെ ഹരിയാനയിൽ നിന്നും പിടികൂടിയിരുന്നു. പിന്നീട് പണം കൈമാറ്റം ചെയ്ത ഇടപാടുകൾ വാങ്ങി കൈമാറ്റം ചെയ്തസംഘത്തെ കുറിച്ചുള്ള അന്വേഷണത്തിലാണ് പ്രതിയെ കുറിച്ചുള്ള സൂചന ലഭിച്ചത്. ഇയാളെ കുറിച്ച് കൂടുതൽ അന്വേഷണം നടത്തിയപ്പോൾ മറ്റൊരു സൈബർ നടത്തിയ തട്ടിപ്പ് കേസിൽ വിശഖപട്ടണം പോലീസ് ഇയാളെ പിടികൂടി വിശാഖ പട്ടണം. സെൻട്രൽ ജയിലിൽ പാർപ്പിച്ചിരിക്കുകയായിരുന്നു. കൽപ്പറ്റ കോടതിയുടെ വാറണ്ടുമായി വിശാഖപട്ടണം ജയിലിൽ എത്തിയെങ്കിലും ഇയാൾക്ക് ജാമ്യം ലഭിച്ചിരുന്നു.ജാമ്യത്തിൽ നിന്ന് ഇറങ്ങിയ പ്രതിയെ വിശാഖ പട്ടണത്തിൽ നിന്ന് പൊലീസ് കസ്റ്റഡിയിൽ എടുക്കുകയായിരുന്നു. പ്രതിയെ പോലീസ് ചോദ്യം ചെയ്തു. അന്വേഷണ സംഘത്തിൽ സൈബർ സ്റ്റേഷനിലെ എസ്.ഐ. മുസ്തഫ, എസ്.സി. പി.ഒ. ജോജി ലുക്ക, സലാം കെ. എ,. സി.പി ഒമാരായ അനീസ്, ഷൈജൽ, ലിൻരാജ്, പ്രവീൺ എന്നിവരും ഉണ്ടായിരുന്നു.കൽപ്പറ്റ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു


Join our Whatsapp group for more Live News..
Click to join our Whatsapp group


Join our Whatsapp group for more Live News..
Click to join our Whatsapp group

Leave a Reply

Your email address will not be published. Required fields are marked *