കൊച്ചി: പ്ലസ്ടു വിദ്യാർത്ഥിനി ബസിൽ കുഴഞ്ഞു വീണു മരിച്ചു. തേവര എസ്എച്ച് ഹയർ സെക്കൻഡറി സ്‌കൂളിലെ പ്ലസ് ടു വിദ്യാർത്ഥിനി ശ്രീലക്ഷ്‌മിയാണ് (16) രാവിലെ സ്കൂളിലേക്ക് ബസിൽ പോകുന്നതിനിടെ കുഴഞ്ഞു വീണത്.
പനങ്ങാട് സ്വദേശി ജയകുമാറിൻറെയും രജനിയുടെയും മകളാണ് ശ്രീലക്ഷ്മി.രാവിലെ ബസിൽ സ്കൂളിലേക്ക് പോകുകയായിരുന്ന ശ്രീലക്ഷ്മിക്ക് കുണ്ടന്നൂരിൽ വച്ച് ശാരീരിക അസ്വാസ്ഥ്യമുണ്ടാകുകയും ബസിൽ നിന്നിറങ്ങിയ ഉടൻ കുഴഞ്ഞു വീഴുകയായിരുന്നു.തുടർന്ന് സമീപമുണ്ടായിരുന്ന ചുമട്ടുതൊഴിലാളികളും, നാട്ടുകാരും ചേർന്ന് കുട്ടിയെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
