ബെംഗളൂരു : കർണാടകയിലെ ചിത്രദുർഗ ജില്ലയിലെ ഹിരിയൂരിന് സമീപം ദേശീയപാത 48 ൽ വ്യാഴാഴ്ച പുലർച്ചെ കണ്ടെയ്നർ ട്രക്ക് ആഡംബര സ്ലീപ്പർ ബസിൽ ഇടിച്ചുകയറി പത്ത് പേർ മരിച്ചു. 11 – ലധികം പേർ മരിച്ചതായി സംശയിക്കുന്നു 20 ലധികം പേർക്ക് പരിക്കേറ്റു.32 യാത്രക്കാരുമായി ഗോകർണത്തേക്ക് പോവുകയായിരുന്ന ബസ് കൂട്ടിയിടിയുടെ ആഘാതത്തിൽ തീപിടിച്ചു വെന്തു മരിച്ചവരിൽ ഭൂരിഭാഗവും വാഹനത്തിനുള്ളിൽ ജീവനോടെ കത്തിക്കരിഞ്ഞുവെന്നും ഈസ്റ്റ് സോൺ ഇൻസ്പെക്ടർ ജനറൽ ഓഫ് പോലീസ് രവികാന്തെ ഗൗഡ പറഞ്ഞു.
ബസിൽ 20 ലധികം യാത്രക്കാർ ജീവനോടെ കത്തിക്കരിഞ്ഞതായി വൃത്തങ്ങൾ സ്ഥിരീകരിച്ചു, എന്നാൽ പോലീസും അഗ്നിശമന സേനയും രാവിലെ 8 മണിയോടെ ബസിൽ നിന്ന് ഒമ്പത് മൃതദേഹങ്ങൾ കണ്ടെടുത്തു, പരിക്കേറ്റ നിരവധി യാത്രക്കാരെ അടുത്തുള്ള ആശുപത്രിയിലേക്ക് മാറ്റി.
ബസ് ഡ്രൈവറും ക്ലീനറും രക്ഷപ്പെട്ടു. ട്രക്കിന്റെ ഡ്രൈവറും ക്ലീനറും മരിച്ചവരിൽ ഉൾപ്പെടുന്നു. ബെംഗളൂരുവിനെ പൂനെ, മുംബൈ എന്നിവയുമായി ബന്ധിപ്പിക്കുന്ന ഹൈവേയിൽ നടന്ന അപകടത്തിന് കാരണം ട്രക്ക് ഡ്രൈവറുടെ അശ്രദ്ധയാണെന്ന് റിപ്പോർട്ടുകൾ പറയുന്നു. ട്രക്ക് ഡ്രൈവർ ഒരു റോഡ് ഡിവൈഡർ ചാടി വാഹനത്തിന്റെ നിയന്ത്രണം നഷ്ടപ്പെട്ട് എതിരെ വന്ന ബസിൽ ഇടിക്കുകയായിരുന്നു. ചിത്രദുർഗയിൽ നിരവധി പേരുടെ മരണത്തിനിടയാക്കിയ ദാരുണമായ അപകടത്തെത്തുടർന്ന് കർണാടക മുഖ്യമന്ത്രി സിദ്ധരാമയ്യ നഷ്ടപരിഹാരം പ്രഖ്യാപിച്ചു.മരിച്ച ഓരോ വ്യക്തിയുടെയും കുടുംബങ്ങൾക്ക് 5 ലക്ഷം നൽകുമെന്നും പരിക്കേറ്റവർക്ക് 50,000 വീതം നൽകുമെന്നും മുഖ്യമന്ത്രി പറഞ്ഞു.
ഉദ്യോഗസ്ഥരിൽ നിന്ന് വിശദാംശങ്ങൾ തേടിയിട്ടുണ്ടെന്നും ഇരകൾക്ക് സാധ്യമായ എല്ലാ സഹായവും നൽകാൻ നിർദ്ദേശിച്ചിട്ടുണ്ടെന്നും അദ്ദേഹം പറഞ്ഞു. അപകടത്തിന്റെ കാരണം കണ്ടെത്താൻ അന്വേഷണത്തിന് ഉത്തരവിട്ടിട്ടുണ്ടെന്നും അദ്ദേഹം കൂട്ടിച്ചേർത്തു.
