ബത്തേരി: ഐഡിയൽ ഇംഗ്ലീഷ് സ്കൂൾ ന്യൂസ് ലെറ്റർ ‘ദി ഐഡിയൽ മിറർ’ പ്രകാശനം സുൽത്താൻ ബത്തേരി താലൂക്ക് ലൈബ്രറി കൗൺസിൽ സെക്രട്ടറിയും ബ്ലോക്ക് പഞ്ചായത്ത് മെമ്പറുമായ പി. കെ. സത്താർ നിർവ്വഹിച്ചു. പൂർണ്ണമായും വിദ്യാർത്ഥികളുടെ കരങ്ങളാൽ മാസാന്തം പുറത്തിറങ്ങുന്ന സ്കൂൾ ന്യൂസ് ലെറ്റർ അതിശയിപ്പിക്കുന്നതാണെന്നും എല്ലാവർക്കും മാതൃകയാണെന്നും അദ്ദേഹം പറഞ്ഞു.
സ്കൂൾ ലീഡർമാരായ ആദിഷ് മിഷാൽ, ഹയ ഹാഫിസ് എന്നിവർ ന്യൂസ് ലെറ്റർ പരിചയപ്പെടുത്തി. മുഹമ്മദ് സഫീർ സി. എച്ച് സമർപ്പണം നിർവ്വഹിച്ചു. എഡിറ്റോറിയൽ ബോർഡ് അംഗങ്ങളായ അനു എൻ ബിജു, മിൻഹ നൗഷാദ്, ശ്രേയ. ജെ, തൻഹ നൗറിൻ, ഹയ ഹാഫിസ്, മുഹമ്മദ് സഫീർ, ആദിഷ് മിഷാൽ എന്നിവരെ ചടങ്ങിൽ അനുമോദിച്ചു.സ്റ്റാഫ് എഡിറ്റർ ബിൻസി റ്റി ബാബു, അനു എൻ ബിജു, മാനേജർ സി.കെ സമീർ എന്നിവർ സംസാരിച്ചു.
