കോഴിക്കോട്: വിദ്യാര്ത്ഥിനിയായ പതിനാലുകാരിക്കു നേരെ ലൈംഗികാതിക്രമം നടത്തിയ കേസില് മദ്രസ അധ്യാപകന് അറസ്റ്റില്. കോഴിക്കോട് പുതുപ്പാടി കൈതപ്പൊയില് സ്വദേശി കാരാട്ടുപൊയില് കെ.പി മുഹമ്മദ് ഷെരീഫി(27) നെയാണ് കൊടുവള്ളി പൊലീസ് അറസ്റ്റ് ചെയ്തത്.
2025 സെപ്റ്റംബറിലാണ് കേസിനാസ്പപദമായ സംഭവം നടന്നതെന്നാണ് ലഭിക്കുന്ന വിവരം. 14 കാരിയായ പെണ്കുട്ടിയെ ലൈംഗിക ഉദ്ദേശത്തോടെ നിരന്തരം പിന്തുടര്ന്ന് ശല്യപ്പെടുത്തിയ പ്രതി, രണ്ടുതവണയാണ് കുട്ടിയെ അതിക്രമത്തിന് ഇരയാക്കിയത്.കഴിഞ്ഞ ഓഗസ്റ്റില് മദ്രസയിലെ നിസ്കാര മുറിയില് വച്ചായിരുന്നു ആദ്യ അതിക്രമം. ഇതിനുശേഷവും ശല്യം തുടര്ന്ന പ്രതി, സെപ്റ്റംബര് 22-ന് മദ്രസ പള്ളിയിലെ വാട്ടര് പ്യൂരിഫയറിന് സമീപം വച്ച് വീണ്ടും ലൈംഗിക അതിക്രമം നടത്തുകയായിരുന്നു. ജില്ലാ ശിശുസംരക്ഷണ ഓഫീസറില് നിന്നും ലഭിച്ച പരാതിയുടെ അടിസ്ഥാനത്തിലാണ് കൊടുവള്ളി പൊലീസ് കേസെടുത്തത്. പോക്സോ വകുപ്പ് ചുമത്തി അറസ്റ്റു ചെയ്ത ഷെരീഫിനെ താമരശ്ശേരി കോടതിയില് ഹാജരാക്കി റിമാന്റ് ചെയ്തു.
