മാനന്തവാടി: മാനന്തവാടി എക്സൈസ് റേഞ്ച് അസി.എക്സൈസ് ഇൻസ്പെ ക്ടർ(ഗ്രേഡ്) സുനിൽ. കെയുടെ നേതൃത്വത്തിൽ നടത്തിയ പരിശോധ നയിൽ വീട്ടിൽ സൂക്ഷിച്ച നിലയിൽ പത്ത് ലിറ്റർ ചാരായവും, 25 ലിറ്റർ വാഷും പിടികൂടി. സംഭവവുമായി ബന്ധപ്പെട്ട് തവിഞ്ഞാൽ കുളത്താട പോരൂർ റോഡിൽ ആറോല ദാരോത്ത് ഉന്നതിയിലെ ബാല(48)നെ അറസ്റ്റ് ചെയ്‌തു. എക്സൈസ് പ്രിവൻ്റീവ് ഓഫീസർ ചന്തു പി.കെ, സി.ഇ.ഒമാരായ അരുൺ കെ.സി, ജിതിൻ പി. പി, ഡബ്ല്യു.സി. ഇ.ഒ സിബിജ പി.പി എന്നിവരും പരിശോധന സംഘത്തിലുണ്ടായിരുന്നു.
