ബത്തേരി : നിയോജക മണ്ഡലത്തിലെ വയനാട് വന്യജീവി സാങ്കേതത്തിൽ ഉൾപ്പെട്ട കുറിച്യാട്, ബത്തേരി റേഞ്ചുകളിലെ ചെതലയം, വടക്കനാട്, വള്ളുവാടി പ്രദേശങ്ങളിൽ വന്യമൃഗ ശല്യം രൂക്ഷമായ ഇടങ്ങൾ ഐ സി ബാലകൃഷ്ണൻ എം എൽ എ യുടെ നേതൃത്വത്തിൽ ജനപ്രതിനിധികളും വനം വകുപ്പ് ഉദ്യോഗസ്ഥരുമടങ്ങിയ സംഘം സന്ദർശിച്ചു. ജനങ്ങളുടെ സ്വത്തിനും ജീവനും ഭീഷണിയായി വന്യമൃഗ ശല്യം രൂക്ഷമാകുന്നതിനു തടയിടുന്ന പ്രവർത്തനങ്ങൾ ഉടനടി കൈകൊള്ളുന്നതിനു പി സി സി എഫ് വൈൽഡ് ലൈഫ്, ഡി എഫ് ഒ എന്നിവർക്ക് എം എൽ എ കത്ത് നൽകി. വന്യമൃഗ ശല്യം രൂക്ഷമായ പ്രദേശങ്ങളിൽ
ജന ജാഗ്രതാ സമിതികൾ രൂപീകരിക്കുക, ഫെൻസിങ്ങുകൾ പ്രവർത്തന ക്ഷമം ആക്കുക, ട്രഞ്ചുകളുടെ മെയിൻ്റനൻസ് നടത്തുകയും ബൈപാസ് ട്രഞ്ചുകൾ നിർമിക്കുകയും ചെയ്യുക,വന്യമൃഗ ശല്യം രൂക്ഷമായ പ്രദേശങ്ങളിൽ വാച്ചർമാരെ നിയമിച്ച് പ്രതിരോധം ശക്തിപ്പെടുത്തണമെന്നും കത്തിലൂടെ ആവശ്യപ്പെട്ടു
