ഒട്ടാവ: വിദേശ വിദ്യാര്‍ഥികള്‍ക്കുള്ള അതിവേഗ വിസ നിര്‍ത്തി കാനഡ. ഇന്ത്യയടക്കം 14 രാജ്യങ്ങളില്‍ നിന്നുള്ള വിദ്യാര്‍ഥികള്‍ക്കായി 2018ല്‍ കൊണ്ടുവന്ന വിസ പദ്ധതിയാണ് നിര്‍ത്തിയിരിക്കുന്നതെന്ന് ഇമിഗ്രേഷന്‍ വകുപ്പ് അറിയിച്ചു. ഈ പദ്ധതി വഴി വിസക്ക് അപ്ലൈ ചെയ്യുന്നവര്‍ക്ക് അതിവേഗം വിസ ലഭിക്കുമായിരുന്നു. കൂടാതെ ഭൂരിപക്ഷം അപേക്ഷകളിലും വിസ അനുവദിക്കുകയും ചെയ്യുമായിരുന്നു. പദ്ധതി നിര്‍ത്തിയതിനാല്‍ ഇനി വിസകള്‍ സാധാരണ സംവിധാനത്തിലൂടെ മാത്രമായിരിക്കും പരിഗണിക്കുക.
