ന്യൂഡൽഹി: ഡൽഹിയിൽ വൻ സ്ഫോടനം. അതീവ സുരക്ഷ മേഖലയായ ചെങ്കോട്ടയിലാണ് സ്ഫോടനം നടന്നത്. സ്‌ഫോടനത്തില്‍ ഇതുവരെ എട്ട് മരണം സ്ഥിരീകരിച്ചു. 12 പേർ ഗുരുതരാവാസ്ഥയിൽ ചികിത്സയിലാണ്. സ്‌ഫോടനത്തില്‍ നാലോളം വാഹനങ്ങള്‍ കത്തിനശിച്ചു. ഇത് പ്രദേശത്ത് പരിഭ്രാന്തി സൃഷ്‌ടിച്ചിട്ടുണ്ട്. ചെങ്കോട്ടയ്‌ക്ക് അടുത്തുള്ള മെട്രോ സ്റ്റേഷൻ്റെ ഗേറ്റ് നമ്പർ ഒന്നിന് സമീപം ഒരു കാറിൽ സ്ഫോടനം ഉണ്ടായതായാണ് വിവരം. വലിയൊരു സ്ഫോടനം ഉണ്ടായെന്നും തുടർന്ന് മൂന്ന് മുതൽ നാല് വരെ വാഹനങ്ങൾക്ക് തീപിടിച്ചെന്നും ഡൽഹി അഗ്നിശമന വകുപ്പ് അറിയിച്ചു.
സ്ഫോടനത്തിൻറെ പശ്ചാത്തലത്തിൽ ഡൽഹിയിലും രാജ്യത്തെ മറ്റ് പ്രധാനനഗരങ്ങളിലും അതീവ ജാഗ്രതാ നിർദേശം നൽകി. ഡൽഹിയിൽ സ്ഫോടനം നടന്ന പ്രദേശത്തെ ഗതാഗതം പൂർണമായും നിരോധിച്ചു. എന്നാൽ മെട്രോ സർവ്വീസുകൾ നിർത്തിയിട്ടില്ല. സ്ഫോടനത്തിൻറെ പശ്ചാത്തലത്തിൽ ഡൽഹിയിലും രാജ്യത്തെ മറ്റ് പ്രധാനനഗരങ്ങളിലും അതീവ ജാഗ്രതാ നിർദേശം നൽകി. ഡൽഹിയിൽ സ്ഫോടനം നടന്ന പ്രദേശത്തെ ഗതാഗതം പൂർണമായും നിരോധിച്ചു. എന്നാൽ മെട്രോ സർവ്വീസുകൾ നിർത്തിയിട്ടില്ല.
തിങ്കളാഴ്ച രാവിലെ ഫരീദാബാദിൽ നടന്ന ഓപ്പറേഷനിൽ ജമ്മു കശ്മീർ സ്വദേശിയായ ഡോക്ടറുടെ പക്കൽനിന്നും 350 കിലോഗ്രാം സ്‌ഫോടകവസ്തുക്കൾ, ഒരു എകെ-47 റൈഫിൾ, ഒരു പിസ്റ്റൾ, മൂന്ന് മാഗസിനുകൾ, 20 ടൈമറുകൾ, ഒരു വാക്കി-ടോക്കി സെറ്റ്, വെടിമരുന്ന് എന്നിവ പോലീസ് പിടിച്ചെടുത്തിരുന്നു. ധൗജ് ഗ്രാമത്തിലെ വാടക വീട്ടിൽ ജമ്മു കശ്മീർ പോലീസിലെ ഒരു സംഘം നടത്തിയ ഓപ്പറേഷനിലാണ് ഇവ കണ്ടെടുത്തത്. ഡോക്ടറെ അറസ്റ്റ് ചെയ്തതായും പോലീസ് പറഞ്ഞു.
