സുൽത്താൻ ബത്തേരി: യുവാവിനെ കത്തികൊണ്ട് വെവെട്ടിയും കമ്പിവടി കൊണ്ടടിച്ചും കൊലപ്പെടുത്താൻ ശ്രമിച്ച കേസിൽ ഒരാൾ കൂടി പിടിയിൽ. തോമാട്ടുചാൽ, കൊച്ചുപുരക്കൽ വീട്ടിൽ അബിൻ കെ. ബോവസ്(29)നെയാണ് പാതിരിപ്പാലത്ത് വെച്ച് ബത്തേരി പോലീസ് പിടികൂടിയത്.
കൊലപാതക ശ്രമം, അക്രമിച്ചു പരിക്കേൽപ്പിക്കൽ ഉൾപ്പെടെ അമ്പലവയൽ, മേപ്പാടി, ബത്തേരി സ്റ്റേഷനുകളിലെ നിരവധി കേസുകളിൽ ഇയാൾ പ്രതിയാണ്. ഈ കേസിൽ ബത്തേരി, പുത്തൻകുന്ന്, പാലപ്പട്ടി വീട്ടിൽ പി.എൻ. സംജാദ്(32)നെ ചൊവ്വാഴ്ച അറസ്റ്റ് ചെയ്‌തിരുന്നു. കാപ്പകേസിലെ പ്രതിയായ ഇയാൾക്കെതിരെ കൊലപാതക ശ്രമം, അക്രമിച്ചു പരിക്കേൽപ്പിക്കൽ, ആംസ് ആക്ട് തുടങ്ങി ബത്തേരി, അമ്പലവയൽ പോലീസ് സ്റ്റേഷനുകളിലായി നിരവധി ക്രിമിനൽ കേസുകളുണ്ട്. കുറിച്യാട് ഫോറസ്റ്റ് സ്റ്റേഷനിലും കേസുണ്ട്. ഇയാൾ വൈത്തിരി സ്പെഷ്യൽ സബ് ജയിലിൽ റിമാൻഡിലാണ്.
നവംബർ 24ന് രാത്രിയാണ് ബത്തേരി ഐസക് ബാറിന് മുൻവശത്ത് വെച്ച് ബീനാച്ചി സ്വദേശിയെ കൊലപ്പെടുത്താൻ ശ്രമിച്ചത്.കൈമുട്ടിനും, കണ്ണിനും,ഷോൾഡറി പരിക്കേറ്റ യുവാവ് അത്യാസന്ന നിലയിൽ കോഴിക്കോട് മെഡിക്കൽ കോളജിൽ ചികിത്സയിലാണ്. സംജാദും ബീനാച്ചി സ്വദേശിയുമുൾപ്പെട്ട റിസോർട്ടിൽ അതിക്രമിച്ചു കയറി മർദിച്ച കേസുമായി ബന്ധപ്പെട്ട തർക്കമാണ് മർദനത്തിന് കാരണം
