കുവൈത്ത് സിറ്റി: കുവൈത്ത് വിമാനത്താവളത്തിനു നേരെ ഇറാന് ആക്രമണം നടത്തിയതില് കടുത്ത ആശങ്കയില് മലയാളികള് അടക്കമുള്ള പ്രവാസ ലോകം. വിമാനത്താവളത്തിലെ ടെര്മിനല്-1 കെട്ടിടത്തെ ലക്ഷ്യമിട്ട് ഡ്രോണ്, മിസൈല് ആക്രമണം ഉണ്ടായതായി ജനറല് സിവില് ഏവിയേഷന് അതോറിറ്റി സ്ഥിരീകരിച്ചിട്ടുണ്ട്. പ്രതിരോധ മന്ത്രാലയത്തിന്റെ ഔദ്യോഗിക വക്താവ് ബ്രിഗേഡിയര് ജനറല് സൗദ് അബ്ദുല്അസീസ് അല്-ഒതൈബിയാണ് ആക്രമണ വിവരം സ്ഥിരീകരിച്ചത്.
ആക്രമണത്തെ തുടര്ന്ന് ടെര്മിനല് കെട്ടിടത്തിന് കാര്യമായ നാശനഷ്ടമുണ്ടായതായും നിരവധി പേര്ക്ക് പരിക്കേറ്റതായും അദ്ദേഹം പറഞ്ഞു. പരിക്കേറ്റവര്ക്ക് ആവശ്യമായ ചികിത്സ നല്കിയിട്ടുണ്ടെന്നും വ്യക്തമാക്കി. സാഹചര്യങ്ങള് സായുധ സേന ബന്ധപ്പെട്ട അധികാരികളുമായി ചേര്ന്ന് നിരീക്ഷിച്ചുവരികയാണെന്നും ഏത് അടിയന്തര സാഹചര്യവും നേരിടാന് സേന പൂര്ണ സജ്ജതയിലാണെന്നും വക്താവ് പറഞ്ഞു. രാജ്യത്തിന്റെ സുരക്ഷയും സ്ഥിരതയും സംരക്ഷിക്കുന്നതിനാവശ്യമായ എല്ലാ നടപടികളും സ്വീകരിച്ചുവരികയാണെന്നും അദ്ദേഹം കൂട്ടിച്ചേര്ത്തു.
