വിഷ്ണു വിശാല്, ഐശ്വര്യ ലക്ഷ്മി എന്നിവരെ പ്രധാന കഥാപാത്രങ്ങളാക്കി ചെല്ല അയ്യാവു സംവിധാനം ചെയ്ത സ്പോര്സ് ഡ്രാമ ചിത്രം ‘ഗാട്ട കുസ്തി’ രണ്ടാം ഭാഗം ടീസര് എത്തി. വീരയുടെയും കീര്ത്തിയുടെയും അവരുടെ മകളുടെയും ഇടയില് സംഭവിക്കുന്ന രസകരമായ കാര്യങ്ങളാകും രണ്ടാം ഭാഗത്തില് ഉണ്ടാകുക. ഐശ്വര്യ ലക്ഷ്മിയുടെ തകര്പ്പന് പെര്ഫോമന്സ് ആയിരുന്നു ആദ്യ ഭാഗത്തിലെ പ്രധാന ആകര്ഷണം. മലയാളിയായ പെണ്കുട്ടിയായാണ് ചിത്രത്തില് പ്രത്യക്ഷപ്പെട്ടത്. ആദ്യ ഭാഗത്തില് അണിനിരന്ന ആളുകള് തന്നെയാകും രണ്ടാം ഭാഗത്തിലും ഉണ്ടാകുക. ഹരീഷ് പേരടി, ശ്രീജ രവി, കരുണാസ്, കാളി വെങ്കട് എന്നിവരാണ് പ്രധാന അഭിനേതാക്കള്. രമ്യ കൃഷ്ണന്, മോക്ഷ എന്നിവരാണ് രണ്ടാം ഭാഗത്തിലെ പുതിയ ആളുകള്. ജൂലൈ മൂന്നിന് തിയറ്ററുകളിലെത്തും.
