തൃശൂർ:കെ.എസ്.ആർ.ടി.സി ബസിടിച്ച്‌ സ്‌കൂട്ടർ യാത്രക്കാരിയായ യുവതിക്ക് ദാരുണാന്ത്യം. പറവട്ടാനി ഉല്ലൂക്കരയില്‍ നടന്ന അപകടത്തില്‍ 20കാരിയായ എയ്ഞ്ചലാണ് മരിച്ചത്. അമ്മയുടെ കണ്‍മുന്നില്‍ വച്ചായിരുന്നു അപകടം നടന്നത്. മണ്ണുത്തിയില്‍നിന്ന് തൃശൂർ ഭാഗത്തേക്ക് പോകുകയായിരുന്ന കെ.എസ്.ആർ.ടി.സി ബസ് മറ്റൊരു വാഹനത്തെ മറികടന്ന് മുന്നോട്ടുപോകുന്നതിനിടെയാണ് അപകടമുണ്ടായത്.
പ്രധാന പാതയില്‍നിന്ന് വീട്ടിലേക്കുള്ള റോഡിലേക്ക് സ്‌കൂട്ടറില്‍ തിരിയുന്നതിനിടെ എയ്ഞ്ചല്‍ ബസിനടിയില്‍പ്പെടുകയായിരുന്നു. ബസ് യുവതിയുടെ ശരീരത്തിലൂടെ കയറിയിറങ്ങിയതായാണ് വിവരം.ഗുരുതരമായി പരിക്കേറ്റ എയ്ഞ്ചല്‍ സംഭവസ്ഥലത്തുതന്നെ മരിച്ചു.മണ്ണുത്തിയില്‍ അനുജനെ ട്യൂഷന് വിട്ടശേഷം വീട്ടിലേക്ക് മടങ്ങുകയായിരുന്നു എയ്ഞ്ചല്‍. അനുജൻ കോതമംഗലത്തെ കോളേജില്‍ ബി.ഡി.എസ് വിദ്യാർത്ഥിയാണ്.
പ്രധാന റോഡില്‍നിന്ന് വലതുവശത്തേക്ക് തിരിഞ്ഞ് വീട്ടിലേക്കുള്ള വഴിയിലേക്ക് കടക്കുന്നതിനിടെയാണ് പിന്നിലൂടെ എത്തിയ ബസ് ഇടിച്ചത്.മൃതദേഹം പോസ്റ്റ്‌മോർട്ടം നടപടികള്‍ക്കായി മാറ്റിയിട്ടുണ്ട്. നടപടികള്‍ പൂർത്തിയാക്കിയശേഷം ബന്ധുക്കള്‍ക്ക് വിട്ടുനല്‍കും.സംഭവത്തില്‍ പൊലീസ് അന്വേഷണം ആരംഭിച്ചു
