കേരളത്തിൽ ഇന്ന് പുതിയ റെക്കോഡ് കുറിച്ച് സ്വർണ്ണവില പവന് 56,960 രൂപയായി. ഗ്രാമിന് 7,120 രൂപയാണ് ഇന്നത്തെ വില. പവന് 80 രൂപയും ഗ്രാമിന് 10 രൂപയുമാണ് കൂടിയത്. ഇറാൻ -ഇസ്രായേൽ സംഘർഷത്തിൻറെ പശ്ചാത്തലത്തിൽ അന്താരാഷ്ട്ര വിപണിയിൽ സ്വർണവില ഉയരങ്ങളിലേക്ക് കുതിക്കുകയാണ്
മേയിൽ രേഖപ്പെടുത്തിയ പവന് 55,120 എന്ന റെക്കോർഡ് തിരുത്തിയാണ് കഴിഞ്ഞ മാസം മുതൽ സ്വർണവില ഉയരുന്നത്. 56,800 രൂപയായി ഉയർന്ന് റെക്കോർഡിട്ട സ്വർണവില തുടർന്നുള്ള മൂന്ന് ദിവസം കൊണ്ട് 400 രൂപ ഇടിഞ്ഞിരുന്നു. എന്നാൽ കഴിഞ്ഞദിവസം മുതൽ തിരിച്ചുകയറിയ സ്വർണവില 56,800 എന്ന റെക്കോർഡും മറികടന്നാണ് കുതിക്കുന്നത്.
