ഇന്ന് മലയാളികളുടെ പ്രിയപ്പെട്ട ലാലേട്ടന്റെ 66-ാം ജന്മദിനം. ഭാവപ്പകര്ച്ചകളുടെ വിസ്മയഗോപുരമാണ് മോഹന്ലാല്. വില്ലന് കഥാപാത്രത്തില് തുടങ്ങി, നായകന്റെ സിംഹാസനമേറി, ഒടുവില് അഭിനയത്തിന്റെ കുലപതിയായി മാറിയ ആ യാത്ര ഒരു പുരാവൃത്തം പോലെ മനോഹരമാണ്.
മലയാളിമനസ്സുകളില് അനുഭൂതികളുടെ വസന്തം തീര്ത്ത സുകൃതമാണ് മോഹന് ലാല്. ‘മഞ്ഞില് വിരിഞ്ഞ പൂക്കളി’ലെ കുസൃതിയില് നിന്നും കുടിലതയിലേക്കും ക്രൗര്യത്തിലേക്കും കൂടുമാറുന്ന നരേന്ദ്രന് എന്ന കഥാപാത്രത്തില് തുടങ്ങി, മലയാളികളുടെ ഹൃദയമിടിപ്പായി മാറിയ എത്രയെത്ര കഥാപാത്രങ്ങള് അദ്ദേഹത്തിലൂടെ നമ്മുക്ക് ലഭിച്ചു. ‘രാജാവിന്റെ മകന്’ എന്ന തമ്പി കണ്ണന്താനം ചിത്രത്തിലെ വിന്സെന്റ് ഗോമസ് എന്ന അധോലോക നായകനിലൂടെ ലാല് എന്ന നടന് മാസ്മരികമായ ഒരു നായകസങ്കല്പ്പത്തിന് അടിത്തറയിട്ടു.
