ബെംഗളൂരുവില് മലയാളി നഴ്സിംഗ് വിദ്യാര്ത്ഥി മരിച്ച നിലയില്. അരുവിക്കര സ്വദേശി ആദിത്യന് (19) ആണ് മരിച്ചത്. ബെംഗളൂരു ബിടിഎല് സ്കൂള് ഓഫ് നഴ്സിംഗിലെ രണ്ടാം വര്ഷ ബിഎസ്സി നഴ്സിംഗ് വിദ്യാര്ത്ഥിയായിരുന്നു.ഇന്നലെ ഉച്ചയ്ക്കാണ് ഹോസ്റ്റല് മുറിയില് ആദിത്യനെ തൂങ്ങിമരിച്ച നിലയില് കണ്ടെത്തിയത്.
നാല് പേരുള്ള റൂമിലാണ് ആദിത്യന് താമസിച്ചിരുന്നത്. കൂടെയുള്ളവര് കോളേജില് നിന്ന് തിരിച്ചു വന്നപ്പോഴാണ് മരിച്ച നിലയില് കണ്ടെത്തിയത്.തുടർന്ന് കോളേജ് അധികൃതര് കുടുംബത്തെ വിവരം അറിയിച്ചു. കുടുംബം ബെംഗളൂരുവില് എത്തിയിട്ടുണ്ട്. പോസ്റ്റ്മോര്ട്ടം നടപടികള്ക്ക് ശേഷം മൃതദേഹം നാട്ടിലേക്ക് കൊണ്ടുവരും.മരണകാരണം വ്യക്തമല്ല.
(ജീവിതത്തിലെ വിഷമസന്ധികള്ക്ക് ആത്മഹത്യയല്ല പരിഹാരം. സമ്മര്ദ്ദങ്ങള് അതിജീവിക്കാന് സാധിച്ചേക്കില്ലെന്ന ആശങ്കയുണ്ടാകുമ്പോള് മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. 1056 എന്ന നമ്പറില് വിളിക്കൂ, ആശങ്കകള് പങ്കുവെയ്ക്കൂ)
