കൽപ്പറ്റ:ജില്ലയില് രണ്ട് ദിവസങ്ങളിലായി ശക്തമായ മഴ തുടരുന്ന സാഹചര്യത്തില് ക്വാറികള്, വിനോദസഞ്ചാര കേന്ദ്രങ്ങള്, സാഹസിക വിനോദസഞ്ചാര കേന്ദ്രങ്ങള്, ട്രക്കിംഗ് എന്നിവയ്ക്ക് നിയന്ത്രണം ഏര്പ്പെടുത്തി ജില്ലാ ദുരന്തനിവാരണ അതോറിറ്റി ചെയര്പേഴ്സണ് കൂടിയായ ജില്ലാ കളക്ടര് ഡി.ആര് മേഘശ്രീ ഉത്തരവിട്ടു. ക്വാറികള്, ഹോം സ്റ്റേ, റിസോര്ട്ട് ഉള്പ്പെടെയുള്ള എല്ലാ ടൂറിസ്റ്റ് കേന്ദ്രങ്ങളുടെയും അഡ്വഞ്ചര് ടൂറിസം സെന്ററുകള്, ട്രക്കിങ് എന്നിവ നിര്ത്തിവെയ്ക്കണമെന്നാണ് ഉത്തരവ്. ജില്ലയില് ദുരന്തസാധ്യത നേരിടുന്ന ദുര്ബല പ്രദേശങ്ങളില് താമസിക്കുന്നവരെ മാറ്റിപ്പാര്പ്പിക്കേണ്ടതുണ്ടെങ്കില് നടപടി സ്വീകരിക്കാന് ബന്ധപ്പെട്ട തദ്ദേശ സ്വയംഭരണ സ്ഥാപനങ്ങള്ക്ക് നിര്ദേശം നല്കിയിട്ടുണ്ട്
