ഗൂഡല്ലൂർ: ദേവർഷോലയ്ക്ക് സമീപം വീണ്ടും കടുവയുടെ ആക്രമണം. ദേവൻ രണ്ടിലുള്ള സിദ്ദരാജിന്റെ രണ്ട് വയസ്സുള്ള പശുക്കിടാവിനെയാണ് കടുവ ആക്രമിച്ചു കൊന്നത്. വീടിന് സമീപത്തുള്ള തൊഴുത്തിൽ കെട്ടിയിരുന്ന കിടാവിനെയാണ് കടുവ പിടികൂടിയത്.നേരത്തെയും സിദ്ദരാജിന്റെ ഒരു പശുവിനെ കടുവ ആക്രമിച്ചു കൊന്നിരുന്നു.
ഈ പ്രദേശത്ത് വളർത്തുമൃഗങ്ങളെ കടുവ കൊന്നുതിന്നുന്നത് പതിവായിരിക്കുകയാണെന്ന് നാട്ടുകാർ പറയുന്നു. കടുവപ്പേടി കാരണം പ്രദേശത്ത് വളർത്തുമൃഗങ്ങളെ വളർത്താൻ കഴിയാത്ത സാഹചര്യമാണ് നിലവിലുള്ളത്. സംഭവത്തെത്തുടർന്ന് വനംവകുപ്പ് ജീവനക്കാരെത്തി പരിശോധന നടത്തി.
