തിരുവനന്തപുരം: സംസ്ഥാനത്തെ ഹയർസെക്കൻഡറി ഒന്നാം വർഷ (പ്ലസ് വൺ) ഇംപ്രൂവ്മെന്റ്/സപ്ലിമെന്ററി പരീക്ഷാഫലം പ്രസിദ്ധീകരിച്ചു. പരീക്ഷാ ഫലം പൊതുവിദ്യാഭ്യാസ വകുപ്പിന്റെ ഔദ്യോഗിക വെബ്സൈറ്റുകളിൽ ലഭ്യമാണ്.
2026 മാർച്ചിൽ നടന്ന പരീക്ഷയിൽ ഗ്രേഡ് മെച്ചപ്പെടുത്താൻ ആഗ്രഹിച്ചവർക്കും വിവിധ കാരണങ്ങളാൽ പരീക്ഷ എഴുതാൻ കഴിയാത്തവർക്കുമായാണ് ഇംപ്രൂവ്മെന്റ് പരീക്ഷ സംഘടിപ്പിച്ചത്. വിദ്യാർത്ഥികൾക്ക് തങ്ങളുടെ റോൾ നമ്പറും ജനനത്തീയതിയും നൽകി വെബ്സൈറ്റിലൂടെ ഫലം പരിശോധിക്കാവുന്നതാണ്.
വ്യക്തിഗത ഫലത്തിന് പുറമെ അതത് സ്കൂളുകൾക്ക് സ്കൂൾ കോഡ് ഉപയോഗിച്ച് ഫലം ഡൗൺലോഡ് ചെയ്യാനുള്ള സൗകര്യവും പോർട്ടലിലുണ്ട്. ഫലപ്രഖ്യാപനത്തിന് പിന്നാലെ പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും അപേക്ഷിക്കാനുള്ള തീയതികൾ പരീക്ഷാ ഭവൻ ഉടൻ അറിയിക്കും. www.keralaresults.nic.in അല്ലെങ്കിൽ www.prd.kerala.gov.in എന്നീ വെബ്സൈറ്റുകളിൽ ഫലമറിയാം.
