സുൽത്താൻ ബത്തേരി: ബത്തേരി ദോട്ടപ്പൻകുളത്ത് ടോറസ് ലോറിയും മോട്ടോർ സൈക്കിളും കൂട്ടിയിടിച്ച് രണ്ട് പേർക്ക് പരിക്ക്. അപകടത്തിൽ പരിക്കേറ്റവരെ ഉടൻ തന്നെ ബത്തേരി സ്വകാര്യ ആശുപത്രിയിലേക്ക് മാറ്റി.ഇന്ന് രാത്രിയായിരുന്നു അപകടം. ടോറസ് ലോറിയും ബൈക്കും തമ്മിൽ ശക്തമായി കൂട്ടിയിടിക്കുകയായിരുന്നു. അപകടത്തെത്തുടർന്ന് റോഡിൽ വീണ ബൈക്ക് യാത്രികരെ നാട്ടുകാരും പ്രദേശത്തുണ്ടായിരുന്ന മറ്റുള്ളവരും ചേർന്നാണ് ഉടൻ തന്നെ ആശുപത്രിയിലെത്തിച്ചത്. പരിക്കേറ്റവരുടെ പേരുവിവരങ്ങളോ മറ്റ് വിശദാംശങ്ങളോ നിലവിൽ ലഭ്യമായിട്ടില്ല. സംഭവത്തിൽ പോലീസ് തുടർനടപടികൾ സ്വീകരിച്ചു വരുന്നു.
