ഓര്ഡിനറി ബസ്സുകള് സിറ്റി ഫാസ്റ്റ് ആക്കിയിട്ടില്ലെന്ന് കെഎസ്ആര്ടിസി. സ്ത്രീകള്ക്ക് സൗജന്യ യാത്ര ഓര്ഡിനറി ബസുകളില് മാത്രമാണുള്ളതെന്നും സിറ്റി ഫാസ്റ്റ് സര്വീസുകള് പദ്ധതിയില് ഉള്പ്പെട്ടിട്ടില്ലെന്നും കെഎസ്ആര്ടിസി വ്യക്തമാക്കി. സിറ്റി ഫാസ്റ്റിന് പ്രത്യേക നിരക്കും പ്രത്യേക സര്വീസ് വിഭാഗവുമാണ്. ഓര്ഡിനറി ബസുകള് എല്ലാം പഴയതുപോലെ തന്നെ തുടരുന്നു. പദ്ധതിയില് ഉള്പ്പെട്ട ബസുകളില് വ്യക്തമായ സ്റ്റിക്കറുകള് പതിപ്പിച്ചിട്ടുണ്ട്. തിരുവനന്തപുരം നഗരത്തില് 384 സിറ്റി ഫാസ്റ്റ് ബസുകള് സര്വീസ് നടത്തുന്നുണ്ടെന്നും കെഎസ്ആര്ടിസി അറിയിച്ചു. 687 ഓര്ഡിനറി ബസുകളും സര്വീസിലുണ്ടെന്നാണ് കണക്ക്. പ്രിയദര്ശിനി പദ്ധതിയുമായി ബന്ധപ്പെട്ട വിവരങ്ങള് നേരത്തേ തന്നെ പൊതുജനങ്ങള്ക്ക് നല്കിയിരുന്നുവെന്നും കെഎസ്ആര്ടിസി വിശദീകരിച്ചു.
