തൃശൂർ: കുടുംബകലഹത്തെത്തുടർന്ന് തൃശൂർ ആനക്കല്ലിൽ യുവതി കൊല്ലപ്പെട്ടു. അവണിശ്ശേരി സ്വദേശി ഉണ്ണിമായ (30) ആണ് മരിച്ചത്. സംഭവത്തിൽ ഭർത്താവ് ശിവപ്രസാദിനെ പൊലീസ് കസ്റ്റഡിയിലെടുത്തു. കൊലപാതകത്തിന് ശേഷം പ്രതി നേരിട്ട് പൊലീസ് സ്റ്റേഷനിലെത്തി കീഴടങ്ങുകയായിരുന്നു.വ്യാഴാഴ്ച ഉച്ചയോടെയാണ് നാടിനെ നടുക്കിയ സംഭവം പുറം ലോകമറിയുന്നത്. ആനക്കല്ലിലെ താമസസ്ഥലത്ത് വെച്ച് ശിവപ്രസാദും ഉണ്ണിമായയും തമ്മിൽ തർക്കമുണ്ടാകുകയും, ഇതിനിടെ ശിവപ്രസാദ് ഉണ്ണിമായയെ കഴുത്തുഞെരിച്ചു കൊലപ്പെടുത്തുകയുമായിരുന്നു എന്നാണ് പ്രാഥമിക വിവരം. കൃത്യം നടത്തിയ ശേഷം ശിവപ്രസാദ് തൃശൂർ സിറ്റി പൊലീസ് കമ്മീഷണർ ഓഫീസിലെത്തി വിവരം അറിയിക്കുകയായിരുന്നു. തുടർന്ന് പോലീസ് അറസ്റ്റ് ചെയ്യുകയായിരുന്നു
