സംസ്ഥാനത്ത് സ്വർണ വിലയില് വൻ ഇടിവ്. നിലവില് ഒരു ഗ്രാം 22 കാരറ്റ് സ്വർണത്തിന് 155 രൂപയാണ് കുറഞ്ഞിരിക്കുന്നത്. 22 കാരറ്റ് ഒരു പവൻ സ്വർണത്തിന് 1240 രൂപയാണ് കുറഞ്ഞിരിക്കുന്നത്. ഇതോടെ 22 കാരറ്റ് സ്വർണത്തിന്റെ വില ഗ്രാമിന് 13,215 രൂപ എന്ന നിലയിലും പവന് 1,05,720 രൂപ എന്ന നിലയിലും തുടരുന്നു.അതേ സമയം സംസ്ഥാനത്ത് വെള്ളി വിലയിലും ഇടിവ് രേഖപ്പെടുത്തി. നിലവില് 22 കാരറ്റ് വെള്ളി ഗ്രാമിന് 235 രൂപയിലും 10 ഗ്രാമിന് 2,350 രൂപയിലും ആണ് വ്യാപാരം നടക്കുന്നത്.
അമേരിക്ക- ഇറാന് സംഘര്ഷത്തിന് അയവ് വന്നതോടെ എണ്ണവില കുറഞ്ഞത് അടക്കമുള്ള ഘടകങ്ങളാണ് സ്വര്ണവിലയില് പ്രതിഫലിച്ചത്. ഉടന് തന്നെ പലിശനിരക്ക് വര്ധിപ്പിക്കില്ലെങ്കിലും സമീപഭാവിയില് തന്നെ വീണ്ടും പലിശനിരക്ക് വര്ധിപ്പിക്കുന്നതിനെ കുറിച്ച് അമേരിക്കന് കേന്ദ്ര ബാങ്ക് ആലോചിക്കുമെന്ന റിപ്പോര്ട്ടുകളാണ് സ്വര്ണവില കുറയാന് കാരണം. ഇതിന് പുറമേ ഡോളര് ശക്തിയാര്ജിച്ചതും സ്വര്ണവില ഇടിയാന് ഇടയാക്കിയതായി വിപണി വിദഗ്ധര് പറയുന്നു.
വരും ദിവസങ്ങളിലും അന്താരാഷ്ട്ര വിപണിയിലെ ചലനങ്ങള്ക്കനുസരിച്ച് സംസ്ഥാനത്തെ വിലയില് വ്യതിയാനങ്ങള് തുടരാന് സാധ്യതയുണ്ട്. ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
